Rajya Sabha member leh Congress leader Jairam Ramesh chuan Director of the Central Bureau of Investigation (CBI) chu Home Minister Amit Shah an National People’s Party leader Conrad Sangma chu Meghalaya-a ‘eiru nasa ber sorkar’ a kalpui tia a sawi chu chhui chiang turin ziakin a ngen.
“CBI Director hnenah CBI te chu Home Minister in Meghalya a Conrad Sangma sorkar chu India rama eiru nasa ber a tih chu chhui chiang turin ziakin ka ngen a. Mahse, chu chuan BJP tena Conrad Sangma an thlawpna chu a tibahlah chuang lo” tiin Ramesh chuan a sawi.
Amit Shah chuan Febaruay 17 khan election campaign neih laiin khatihlaia Meghalaya sorkar Conrad Sangma kaihhruai chu ‘India rama sorkar eiru nasa ber’ tiin a sawi a ni.
“Home Minister a nih angin infomration leh thudik chutiang anga sawi thei tura behchhan a nei ngei dawn a. Mak tak maiin, Home Minister ni bawk leh Bharatiya Janata Party president hlui ni bawk chuan khatihlaia Meghalaya sorkar a eirukna nasa tak thlengah khan tih engmah a nei lo thung. Hei vang hian Shri Amit Shah hi kova thu zawtchiang turin kan ngen chu a ni” tiin Ramesh chuan a lehkhathawnah a tarlang a.
“Hei bakah hian Home Minister of India chu an party emaw midang te emaw Meghalaya a eirukna chu an party Bharatirya Janata Party in Conrad Sangma bawk chu meghalaya inthlan hnua an thlawp leh zui tak si avangin eirukna information hmehmih a awm em tih chhui chiang turin kan ngen che a ni” tiin a tarlang bawk.
Jairam Ramesh a lehkhathawn hi tun hnaia Delhi Police tena Congress chief Rahul Gandhi chu Bharat Jodo Yatra neih laia hmeichhia te chu mipat hmeichhiatna lama sawisak tuar reng tia a sawi la vawnga an chhuichian mek zui zel phubalakna anga ngaih a ni bawk.
Ramesh an Amit Shah chhui turin ngen
Get real time updates directly on you device, subscribe now.