Mizorama first divi-sion cricket inelna Mahuma Memorial First Division Screening 2022-23 final-ah Ram-hlun Venglai Cricket Club chuan run 195-in Zarkawt Lords an hneh a, a kum zawnin an champion.
First division final hi Inrinni khan Suaka Cricket Ground, Sih-hmuiah khelh a ni a; Zarkawt Lords CC-in vawm an thlang zawk. RVL batsman-te an chetha a, opener C. Vanlalhruaia chuan run 84 siamin, Joseph Lalthankhuma’n run 57 a ngah tling a, midang pangain run sawm aia tam thawh ve hlawm bawkin, RVL-in over 50-ah run 261 an puitlin.
Zarkawt Lords bow-ler zingah Rinsangzela chetha berin wicket thum a la.
Ball nen pawh RVL an chetha leh tho a, a tir over 12 chhungin wicket pawimawh panga an la hman.
Zarkawt Lords tan Tleipuia’n run 23 a siam tih loh chu run tih tham siam an awm lo a, over 19.1-ah run 66 siamin an out zo.
Tournament chhung zawnga run 321 siam tling C. Vanlalhruaia chu best batsman-a thlan a ni a; match sarih atanga wicket 19 la tling Rinsangzela chu best bowler niin, man of the series-a thlan a ni bawk.
Final-ah hian man of the match atan Joseph Thankhuma thlan a ni.
Ramhlun Venglai Cricket Club an thiam ber
Get real time updates directly on you device, subscribe now.
Prev Post