Rammut laia MNF case titawp

MNF-in zalenna an sual laia an chetna chungchanga case, Manipur-a mi chu Manipur High Court-in a titawp.
He case hi 1984-a Manipur-a MNF mi leh sate thiltih chungchang a ni a, July ni 23 khan Manipur High Court-in a titawp a ni.
1986-a remna ziah a nih khan MNF mi leh sate’n case an neihte tihtawp a ni ang tih a ni chungin 2000 kumah khan he case-a hming langte hi court-a inlan tura koh (summon) an ni a, a hming langte hian remna ziah a ni tawh a, case pawh a tawp tur a ni tiin \an an khawh ve thung.
Chutih laiin Manipur sorkar chuan remna ziah a nih hnuah case kal laite tihtawp a ni ang tih ni mah se he case hi chu Mizoram pawn, Manipur-a thil thleng a ni an ti ve thung a, he case hi chu remna thuthlung pawna mi a ni tiin an hnial a ni.
July ni 23 khan Justice Ahanthem Bimol Singh-a’n thu a titlu a, remna thuthlung huam chin Mizoram chhunga mi chauh tih hi \anchhan tlak a nih loh thu leh Mizoram pawna case a huam tel lo tih thu-ah \anchhan tur a awm lo tiin, case hi a titawp ta a ni.