Ramri hrul amite tan BSF chechhuak
163 Bn Border Security Force chuan Inrinni leh Pathianni khan Silkur leh Tippereghat khuaah a thlawna inentirna an buatsaih a, mi 430 vel an inentir.
Ramri hrula awmte dawmkanna tura BSF-in an kalpui thin, Civic Action Programme hnuaiah Inrinni khan Tlabung Sub-Division huamchhunga Silkur khuaah BSF 163 Bn hian a thlawna inentirna a buatsaih a, Pathianni khan Tippereghat-ah buatsaih chhunzawmin, Silkur-ah hian mi 300 vel an inentir laiin, Tippereghat-ah hian mi 130 vel an inentir.
Zirlaite mamawh school bag, notebook, pen leh pencil, white board bakah zirna atana mamawh dang an sem a; football leh volleyball tiamin, infiammna bungrua leh hmanrua chi hrang hrang an sem bawk.
BSF 163 Bn commandant mawhphurhna chelhtu Amar Singh Narwal chuan Civic Action Programme chu ramri dep tak taka awmte dinhmun chawikanna tura kalpui tur a nih angin, hmun kilkhawr lehzual tuamkim hram an tum tih a sawi a. Hriselna, zirna leh infiamna chu an ngaipawimawh lehzual tih a sawi.
Ramri hrul amite tan BSF chechhuak
Get real time updates directly on you device, subscribe now.
Next Post