23 Sector Assam Rifles leh Mizoram Outdoor Youth Club tangdunin an buatsaih ‘Motor Bike Rally’ neih kharna inkhawm chu Thawhtanni khan Aizawlah neih a ni.
Kharna hun hmanpuitu Law & Judicial minister TJ Lalnuntluanga chuan ram leh hnam hmasawnna atan theihtawp chhuah tlan a ngai a, inngaihhniamna nei loa kan ti ve thei tih thinlung put a pawimawh hle tih a sawi. Harsatna tam tak paltlanga rally hlawhtling tak an nei chu fakawm a tih thu sawiin, bike rally thiltum – ruihhlo laka fihlim, environment-humhalh, ramri khuate tana sawrkar laipui scheme hrang hrang leh Sainik /Army School-a lut tura inzirtirna te chuan rah tha chhuahin a hlawhtlin ngei a beisei tih a sawi a ni.
Minister hian 23 Sector Assam Rifles DIG Brig. Girish Upadhya chu kawm nghalin, Mizoram leh Myanmar ramri venghim tura Assam Rifles inpekna leh hnathawh fakawm a tih thu a hrilh a. A bikin ruihhlo leh a kaihhnawih dan loa Mizoram lut tur an lo venna chu fakawm a tih thu a sawi. Chutihrualin, Mizoramin industry leh leihnuai hausakna te kan la neih that loh avangin, ramri hrula awm khuate chu eizawnna mumal tak nei lo an ni a, ramri kaltlanga sumdawnna kalpui kawngah hraitthiamna zau tak neih a tul tih a hrilh. Champhai district chhunga sumdawngten harsatna hrang hrang an tawh te chu a rang lama sutkian a nih theihna’n a hmunah ngei tlawh dun an remti bawk.
Ramri hrula bike rally neih khar
Get real time updates directly on you device, subscribe now.