Rangkachak tlang lian ber

Rangkachak tlang lian ber
Rangkachak tlang (gold bar) lian zet mai, kg 300.12 a rit chu Inrinni kalta khan Dubai-ah mipui hmuh turin an phochhuak a, Guinness World Records-in khawvela rangkachak tlang (gold bar) lian berah a puang. He rangkachak tlang hi dollar maktaduai 25 (cheng vaibelchhe 211 vel) man niin an chhut. A hmaa hetiang record chu Japan-a an siam niin, kg 250 a rit a ni.
Rangkachak tlang lian hi Dubai Gold Souk Extension-ah mipui en theih turin an dah chuak a, a siamtu Emirates Minting Factory LLC, Dubai-a deputy general manager Mohammed Kharsa chuan darkar 8-10 vel chhungin an siam niin a sawi a, “Dollar maktaduai 25 emaw Dirhams maktaduai 93 man vel a ni ang,” a ti.