Ration card block dawn lo

Tunlaiin veng thenkhat leh khaw thenkhatah ‘ration buhfai khulh lo /la ngailote pawhin e-pos machine hmeh vek tur a ni a, hmeh loh chuan ration card an block dawn, tia thu thehdarh chu thu belhchian dawl lo a ni.
FCS&CA department chuan, ration buhfai la lo/la ngai lo ten e-pos machine an hmeh loh avangin ration card block tumna sawrkarin a nei lo tih a sawi a. E-pos machine hmeh chu ration an la ngei e, tih finfiahna chauh a ni a. Mipuiin an ration an la (khul) lo a nih pawhin retailer-ten an tiriral /hralh mai tur a ni loa, thla thara sem leh turin mipui tan an dah tur a ni tih a sawi.
‘Sawrkarin mipui tan sum tam tak senga buhfai a lei hi e-pos machine kaltlang loa tihral /hralh mai hi dan bawhchhiatna a ni a, e-pos machine kaltlangin a dawngtu tur dik takte hnenah chauh sem tur a ni,’ a ti a. He thilah hian mipui leh retailer zawng zawngte sawrkar tawiawm a, dan zawm turin department chuan a chah a ni.