Rebecca Fanai chuan a hla ‘Min Zirtir Ang Che’ tih chu a music video a tichhuak leh dawn ta. He hla hi Chhantea Ralte phiah a ni a, harsatna leh buaina karah pawh kan chunga Pathian rorel dana lungawi zir tura infuihna hla a ni.
-- Advertisement --
Rebecca Fanai hian Chhantea Ralte hlaphuah tho ‘Myanmar Lungphang Suh Aw’ tih hla pawh a lo tichhuak tawh a, hei hi Zoramin rebecca Fanai kan hmelhriat tanna pawh a ni a, Myanmar lama harsatna tawk mekte phei chuan he hla hi an hlut hle a ni.
Rebecca Fanai hi USA-ah nurse hna thawka awm lai a ni a, nikum khan ChinTV-in Chin New Artist of the Year Award an hlan bakah ChinTube People’s Choice Awards-ah New Artist of the Year a dawng bawk.
Rebecca hla thar ‘Min Zirtir Ang Che’ tih music video hi February ni 12, zing dar 7:30-ah a YouTube channel-ah en theihin an dah chuak dawn a, Zonet music channel-ah Fenruary ni 13 atangin a en theih bawk ang.