Environmentalist, nungcha humhalh kawnga hmalatu, thirsakawr hmanga India hmun hrang hrang fang kual, tuna Northeast state hrang hrang tlawh kual mektu Chaitanya Rajeskhar chuan Aizawl a lo thleng a, nimin tuk khan Mizorama nungcha humhalh kawnga hmalatu thenkhat te nen Hotel Regency-ah an inkawm.
-- Advertisement --
Chaitanya hian nungcha tinreng te chunga ngilneihna lantir leh mihring ten sa kan ei nasat avanga keimahni leh thilsiam dangte tawrhna nasat zia te, sa ei loh a thei leh thlai lam ei tam a pawimawh zia te chu a thu ken a ni a, heng hi ngilneihna lantirna anih bakah hriselna atan vegetarian nunphung a pawimawh thu te a sawi bawk.
Chaitanya lo dawngsawngtu zinga mi, kan rama nungcha humhalh kawnga hmalatu hmasa leh kan hriat lar tak C. Luri pawhin environment humhalhna atan leh Mizote kan lo hrisel a, kan medical bill te a lo tlem zawk theih nan sa ei loh pawimawhna te a sawi ve bawk a ni.
Chaitanya hian Aizawl atangin Tripura a pan leh tawh a ni.