Record siamin Billboard 200-ah Taylor Swift a No.1

Record siamin Billboard 200-ah Taylor Swift a No.1
Taylor Swift album thar ‘The Life of a Showgirl’ chu Billboard 200 (albums) chart No.1-ah a debut a, he chart-a No.1 kai thei album 15 a nei tling ta a, a album 15-te he chart-a an No.1 hun chhung belhkhawm chu kar 87 a tling ta bawk a, solo artist zingah he chart-a No.1 ni ngun ber a ni.
Taylor Swift hian a album hmasa ber ‘Taylor Swift’ tih loh a album dang zawng zawng chu Billboard 200 chart No.1-ah a debut pui thei vek a, a album 15 chu a zawnin No.1 an kai vek tihna a ni a, zaithiam, solo artist zingah hetiang tithei midang tumah an la awm lo.
He chart-ah Swift No.1 hun chhung belhkhawm hi kar 87 niin, solo artist zinga No.1 ni ngun ber niin, a nawlpuiah pawh phak loh pakhat chiah a nei a, The Beatles niin, anni group hi kar 132 an No.1 thei. Mahse, Swift kal chak dan en hian The Beatles record hi a la khum theih mai te pawh a rinawm tlat.
Billboard 200 a No.1 ni ngun top 10:
1 The Beatles 132
2 Taylor Swift 87
3 Elvis Presley 67
4 Garth Brooks 52
5 Michael Jackson 51
6 The Kingston Trio 46
6 Whitney Houston 46
8 Morgan Wallen 41
9 Adele 40
10 Elton John 39