Red Bull driver pahnih inthlurbing zel
Red Bull driver pahnih inthlurbing zel
Azerbaijan Grand Prix-ah Pathianni khan Oracle Red Bull Racing driver pahnihin lawm-man semna dawhsan luahin one-two ropui an entir leh a; ti hian, Red Bull driver pahnih hi Formula One season ti rlam intlansiak vawili zawh tawhah vawihnih ve ve chak tawhin, point 93 nen Max Verstappen chuan hma a hruai chhun-zawm a, a hnuai chiahah a team-mate Perez chuan point 87 a hum ve tawh bawk.
Baku City Circuit-a intlan-siak ngaihven hlawhah hian a team-mate Verstappen a hmakhalhna kawngah safety car tlanlut a hlawkpui a, cham-pionship kal laia Dutchman nena inthlauhna chu point ruk lekah a tlakhniam phah ta a ni.
Pole position atanga tlan-chhuak Ferrari driver Charles Leclerc chu reilote hnuah Red Bulls driver pahnihin an lehpel nghal a; Aston Martin car khalhtu Fernando Alonso nen podium hniam ber inchuha an inthlurbing ngial hnuah Leclerc hi a dingchang zui hram a ni.
Charles Leclerc tan tun kha Baku khuaa a zawna pole position kum thum tehreng a channa niin, a bultanna fuh mah se hnehna em erawh a sualchhuak zo lo a, kumina an team-in podium an luah vawikhatna erawh a thlentir ta tho a ni.
Monaco tuiliak (Monegas-que) Leclerc leh Ferrari tan season a khirh leh nghal talh a, intlansiak vawili awm tawhah an driver pahnihin hnehna an la sualchhuak zo lo tluang zel.
Leclerc-a team-mate Carlos Sainz chuan Mercedes superstar Lewis Hamilton hmakhalhin pangana dinhmun a luah a; Canadian Lance Stroll (Aston Martin), fastest lap changtu Briton George Russell (Mer-cedes), Briton dang Lando Norris (McLaren) leh Japanese Yuki Tsunoda (AlphaTauri)-te’n point hmuh theihna top 10 hmunruak dang pali la awm an luahkhat indawt thla.
Azerbaijan khawpui Baku kawtthler chepa Formula One intlansiak hi F1 ngainatute grand prix nghahhlelh thin pakhat niin, Pathianni intlansiakah pawh Red Bull bawkin Formula One an thunun chhunzawm a, hnehna changtu Mexican driver Perez kha a career-a a vawiruk chakna a nih rualin he tlan-kawng bika vawihnih chak thei driver hmasaber a ni.
Kartawp Pathianni hian Miami khuaa Miami Interna-tional Autodrome-ah Miami Grand Prix an tlan leh dawn a, Perez tan driver standing-a a team-mate Verstappen lehpelh theihna hun remchang a ni ang.
Inrinni Sprint race-a hnehtu ni tawh bawk Perez chuan Baku kawtthlera one-two an hlen-chhuah leh hnuah tawng-chhuakin Red Bull team a fak a, “Tunkar pawh race kan thunun leh ta,” ti chungin a team-mate nena an inkar a tarlang tel a, “Kan inthlau lo hle a, vawiin khan theihtawp chhuahin kan innawr-tawn ve ve a, Max-a min dawr dan kha a khirh takzet a, mahse, talbuai loin kan damkhawchhuak thei ve ve a ni,” a ti.