Rel-ah tour package awm dawn

Rel-ah tour package awm dawn
Indian Railways-in Mizorama rel a lo luh hunah rel hmangin tour package an siam thei dawn a. Ram chhung bakah ram pawn lam thleng huamin, Bible-a hming hriat lar hmun Europe lam thlengin an ruahman thei dawn.
Indian Railway Catering & Tourism Corporation (IRCTC) hotute sawi danin, an ni hi rela ei leh in buaipuitu an nih bakah rel station-ah pawh hetiang hi an buaipui a. Chumi piahlamah tour package siamin, ramchhung hmun bakah ram pawn lam – Nepal, Bhutan leh Asia chhimchhak ram, Europe thlengin man man zawkin an buaipui thin tih an sawi.
Heng zingah hian Bible-a hming langsar – Korinth, Thessalonika, Patmos, Athens leh Rome pawh a tel tih sawiin, nikum lam khan Mizorama pastor thenkhat chu Turkey an lo fanpui tawh tih an sawi a ni.
Mizoram chu rel a luh loh avangin ‘tour package’ an siamah hian, zinmiten fang chak thin mah se, a tel thei thin loa, tuna rel a luh dawn takah chuan hei hi kalpui theih a ni dawn ta, Mizoram Tourism department nen thawhdunna siamin, khualzin buaipuitu hrang hrangten an hlawkpui thei dawn tih an sawi bawk.
IRCTC hi Indian Railways hnuaia peng pakhat niin rel chhung leh station-a ei leh in buaipui bakah ramchhung leh ram pawna khualzin buaipui hna te an thawk a ni.