Revenue dept-in enliam hlawh rei – B Lalchhanzova

Land Revenue & Settlement department chuan enliam mai mai a hlawh rei a, ZPM sawrkar hnu ah nasa takin inrelbawlna kawngah hma a sawn chak hle tih a changtu minister B Lalchhanzova chuan a sawi.
Village council inthlan tura Vairengtea a campaign-naah B Lalchhanzova chuan, ZPM-in sawkarna a siam hmaa kan ram inrelbawl dan a mumal lo a, ama chan Revenue department pawh enliam mai mai a lo ni thin a, ZPM a sawrkar har chu a pawi hle tih a sawi.
ZPM sawrkar hnuah nasa takin ram inrelbawlna ina kawng engkimah hma a sawn chak tih sawiin, “Revenue departmet bikah phei chuan ram pass la tihfel loha enliam tam tak, mipui harsatna siamtu tam tak chu ZPM sawrkar hnuah chinfel mek a ni. Thuneihna kan chan hi mipui lam buaina siamna tur niloin an harsatna chinfelna tur a ni a, ZPM sawrkar hnuah hmelhriat nei ve lo, tanpuitu leh tihpuitu nei loa hun rei tak lo rum tlawk tlawk thin tan zalenna dar kan vaw mek a ni,” a ti.
Land Revenue & Settlement department-in ramri depa awmte in hmun lo ram chinfel tul a ranglama chingfel turin ruahmanna a kal mek tih minister hian a sawi a. Ramri depa awm khaw hrang hrangte a tlawh chhuak a, ram pass an nei mumal lo chu an ram an hum theih loh chhan a ni tih an lo hrilh a, in hmun lo ram pass pek kawngah kan lo hnufum rei chu a pawi a, chak zawka bawhzui tum a ni tih a sawi.
Party tereuhte tia sawi thin ZPM chu VC leh LC inthlan turah veng leh khaw thenkhatah an beihrawn a, party pakhat zawk zawk chu an zuihral a ring tih B Lalchhanzova hian a sawi. “Congress leh MNF in ZPM an beih zui danah a tlaran zawnga rorelna lam an la tuipui zel a, ZPM min beih dan ber pawh state intodelh kan nihna tur lam kawng kan zawhna a puitlin an hlau hle tih a chiang a, state sawngnawi kan nih theihna tur hawi zawnga mipui zirtirna an aupui tam ber,” a ti.