Rhea Chakraborty a talbuai leh ta

Bollywood star Sushant Singh Rajput thihna avanga chhe lar ta zek, SSR bialnu hlui, model leh actress ve bawk Rhea Chakraborty kha kan la hria ang chu maw? SSR thihna avangin kawng hrang hrangin an chhui zui chiam a, jail bang te pawh a zût ve rap rap hman a nih kha. A zalen dawn chauh a, tunah a buai leh ta, he actress hi cheng vaibelchhe 500 inbumna chungchangah Delhi Police-in an ko ve leh ta tlat mai.
He inbumna chungchangah hian milar dang inhnamhnawih pawh an awm nual a nih hmel a, Deli Police-in kohna an thawn chhuah zingah hian Bharti Singh leh Elvish Yadav bakah Saurav Joshi leh Abhishek Malhan te pawh an tel a, influencer 20 vel zet koh an ni.
Delhi Police ten mi 500 chuang hnen atangin complaint an dawng a, influencer hriat hlawh tak tak te promotional video an en hnuah sum an invest a, mahse, chu chu inbumna a lo ni si tiin HiBox app scam hi a rawn irhchhuak ta a ni.
He inbumnaa a meizang hlaptu bera puh chu Chennai lam mi, Sivaram a ni a, ani pawh police ten manin a bank account pali atangin cheng vaibelchhe 18 an hren sak tawh bawk.