Rijiju-a’n Buddhist te hmunpui pakhat din a tiam

Rijiju-a’n Buddhist te hmunpui pakhat din a tiam
Union Minister Kiren Riji chuan inrinni khan Buddhist te tan an inzirna hmun pawimawh tak tur din a tiam a, an tan inthlahrunna tur a awm loh thu a sawi.
Rijiju hian Buddhist te hun pawimawh tak pakhat a hmanpuiah he thu hi sawichhuakin, ‘Maharashtra ah ringawt pawh Buddha sakhua zuitu tam tak in awm tih ka hria, Buddhism te hian rampum huap ngaihtuah pawhin Maharashtra state bika awmte hi an zah kher lovang, he lai hmunah hian in tam hle a, chuvang chuan prime minister Modi-a pawhin a ngaihtuah hle che u a ni,’ a ti.
Buddha sakhaw zuitute chu finna ngah bik leh, hriatna kawngah pawh zau tak an nih thu Rijiju hian sawiin, sakhaw zalenna rama awm kan nihzia lan nan an bit em emna Maharashtra state-ah an tan center pawimawh tak din a tum thu a hrilh bawk a ni.
He an hmun pawimawh din turah hian an sakhaw tana tangkai tur leh an zir belh zelna tur pawimawh hrang hrang dah a nih tur thu sawiin, social media chimbuai loha hmasawnna kawng an dap zel theih nan hmanraw tangkai a nih ngei a rin thu union minister chuan a sawi bawk.
Union minister tawiawm hian union minister tho Ramdas Athawale leh senior minister Chhagan Bhujbal te an tel ve bawk a ni.