Rilru hrisel nei turin TKP inzirtir tum
Thalai Kristian Pawl member-te chu rilru hrisel neih kawngah inzirtir an tum dawn.
Mizoram Thalai Kristian Pawl (MTKP) inkhawmpui vawi 48-na chu Lunglawn Lungleiah neih mek a ni a. Zirtawpni khan MTKP rorel inkhawm neiin, an pawm zingah rilru hrisel chungchang inzirtir hi a tel a. Ram tana chawnghei tawngtai neih, leh TKP member-ten thlarau bo man beihpui thlak, a tel bawk. MTKP inkhawmpui dawltu tanpuina member tinah kumtin Rs.50 khawn nise, an ti a. Budget-ah Rs. 18,00,000 pawm a ni.
Rorel inkhawmah hian kum kaltaa TKP member ropuina rama kalte sunna hun hman a ni a. Report danin, kum 2024 rorel leh 2025 rorel inkarah TKP member thi 158 (mipa 139 leh hmeichhia 19) an awm. Hemi hun chhung vek hian innei tuak 618 awmin, Kohhran dan puitlinga innei tuak 401 leh dan tea innei tuak 235 an awm a ni.
Kum 2024 – 2025 chhungin Rs. 61,21,067 hmuh a ni a, heng atang hian Rs. 54,27,042 hman niin, kuta awm mek Rs. 6,94,025 a la awm.
Mizoram TKP hnuaiah hian Bial TKP 92 leh Unit TKP 447 a awm a, tunah hian member 50364 (mipa 30562 leh hmeichhia 19802) an awm. Kum 2024 atanga member punna hi 1571 a ni.
MTKP office bearers 2025-2028 thlan a ni a, president-ah Upa R Lalbiakzuala, vice president – Jeffrey Lalremruata, secretary – Rev F Zorinkhuma, asst secretary – Rbt. H Lalruatkima, treasurer – Grace Lalrindiki, finance secretary – Rbt. PC Lalbiakdika an ni.
Rilru hrisel nei turin TKP inzirtir tum
Get real time updates directly on you device, subscribe now.
Prev Post