Rimawi Award-ah Icon l& Idol star langsar

Rimawi Award-ah Icon l& Idol star langsar
MZI leh LPS Vision tangkawp buatsaih Rimawi Award (Lengzem/Lenglawng) chu December ni 5, 2025 zan khan LPS Arena, Falkland, Aizawl-ah sem chhunzawm a ni. Rimawi Award hi zan hnih sem a ni a, a zan hmasaah Gospel lam award semin, a zan hnihnaah Lengzem/Lenglawng huangah award an sem ve leh thung a ni.
Rimawi Award hi Zofa zawng zawng huap niin, MZI hian vawi 5 an sem chhuahna a ni a. December ni 4, 2025 zan khan Gospel lam Award sem a lo ni tawh a. He Award hi MZI hian zaimite Inpui an nih angin, zaimi pawl dang te pawh huap veka Zofa zawng zawng huapa an buatsaih thin a ni.
Rimawi Award-ah hian Youth Icon star an langsar viau a, 2024 Youth Icon, Lalsangliana (Taitea) chu best male artist award hlan a ni a, Icon star J Lalrosanga’n Tommy L Pachuau hla a rawn sak lar thar leh tak ‘Fuh Chiang Lo Maw’ avangin song of the year a dawng bawk.
Taitea hian kumina award lian zual sem zawng zawngah best male artist hi a dawng deuh vek a, Rimawi Award bakah |hazual Award leh Lelte Award-ah te best male artist hi a dawng bawk a ni.
Hetihrual hian Mizo Idol lam pawhin award pahnih dawngin, 2025 Mizo Idol Immanuel Lalremruata chu best new artist (male) award hlan a ni a, Mizo Idol 2025-a Pahnihna Vanlalneihpuii chu best new artist (female) award hlan a ni bawk.
2025 Rimawi Award (Lengzem/Lenglawng) dawngtute chu:
Best Male Artist – Lalsangliana
Best Female Artist – Bz-i Tochhawng
Best New Artist (Male) – Immanuel Lalremruata
Best New Artist (Famale) – Vanlalneihpuii
Band of the Year – Lilac & Jacks
Folk Artist of the Year – Mabiaki Pachuau
Best Hip hop/R&B Award – Young Fella
Song of the Year – Fuh Chiang Lo Maw (J Lalrosanga)
Songwriter of the Year – Saka
Best Duo/Group – Angella & Lesky Hype