Rody-i’n pasal a nei dawn

Kum 2017 Miss Mizoram buatsaih a nih tuma pakhatna Rody H. Vanlalhriatpuii chuan October thla hian pasal a nei dawn.
Rody H. Vanlalhriatpuii pasal tur
C. Lalruatkima hi MPS niin, Lawngtlai Additional Superintendent of Police ni lai a ni a. October ni 3, 2023 hian BCM Immanuel, Lawngtlai New Vengpui kohhranah kumkhuaa a kawppui tur nen hian kohhran dan puitling ngeiin tiam tlat e an ti dawn a ni.
The Aizawl Post zawhna chhangin Rody chuan an inneih huna a thian tur chu Esther Vanlalnunpuii Sailo a nih thu sawiin, Esther Sailo hi kum 2017 Miss Mizorama 1st runner up a nih thu a sawi a. |hian inkawm ngeih tak leh innel tak unanu ang maia inen an nih thu a sawi bawk.
Miss Mizoram 2017 a nih hnuah Rody H. Vanlalhriatpuii hi Miss Femina India 2017 thlannaah tel chhunzawm in, Mizoram atanga tel thei hmasa ber leh thleng sang ber niin, top 15 a thleng thei a, Miss Talented title a dawng nghe nghe. Kum 2015 khan Mizoram University atangin Social Work a zir zo tawh bawk a ni.