Heart attack, lungphuchawl kan tih mai hi lung (heart) a thisen supply a tawp vanga awm a ni a, inTham lawk em em pawh awm lova ti deuh thut Thin a ni a, chutihrualin mithiam ten zirchianna an neiha chuan heart attack 50% chuangah hian heart attack an neih hmain warning sign an lo tawng lawk tawh a, case Thenkhatah chuan heart attack an neih hma thla khat chuangah te a warning sign hi a lo lang chhuak tawh Thin. Chuvangin heng warning sign te hi kan lo ngaihven thiam chuan a hun takah doctor rawn nachang te kan hriat chuan nunna kan chhanhim theih phah dawn a ni.
Harvard Medical School-in heart attack nei tawh hmeichhe 500 chuanga survey an neihah chuan 95% ten a warning sign hi thla khat hmalamah an lo nei tawh tih an hmuchhuak a, chutirualin a warning sign lanchhuah dan leh lan hun pawh a mihring azirin a danglam thei a ni.
He survey aTanga an hmuhchhuah zinga heart attack warning sign tlanglawn ber chu chauh ngawih ngawihna a ni a, hei hi heart attack dam chhuak survey an neihnaa 71%-in an tawng. Chauh ngawih ngawihna tih hi taksa lam chau mai bakah rilru lama nguai te a keng tel a. Nitina kan thil tih Thin, inbual leh room han tihfai vel mai te pawh hahthlak leh chauhpui mai bakah peih loh ngawih ngawihna te a ni thei.
Hetianga chauh ngawih ngawihna hi lung a hah lutuk avanga awm thei a ni a, lung-a tisen lut tur block a nih chuan lungin nasa lehzualin pump a tum a, chu chuan mi a tichau thei a ni.
Heart attack warning sign dang leh chu awmbawr (chest) na leh thawk kham lo/ thawchham a ni a, thawk harsa ang te pawhin a lang thei.
Zirchianna hrang hranga mipa aiin hmeichhia ten heart attack warning sign hmasa hi an nei nasa zawk niin an tarlang a, heart attack awm tur lo inTham lawk vel hi taksaah rawn lang chhuak mah se a awm reng bik lo va, a reh ve leh mai Thin avangin, kan ngaihthah leh Thin a, doctor rawn nachang te kan hriat loh phah ta Thin a ni.
Heng a lanchhuah dan hmasa te hi heart attack neih hma lawk emaw, ni hnih khat emaw, kar khat emaw thla khat emaw hmalamah te pawh a rawn lang chhuak thei a ni.
Hei bakah hian heart attack kan nei dawn tih inhriat theih dan tur, a rawn thawh dan hrang hrang te pawh hriat tel a Tha a, awmbawr (chest) delhtu awm mai emaw, nek sawrtu awm ang mai emaw, rik deuh lûk ang ten a awm a, a na chuan awmbawr aTangin ban (arm)-ah zawhin, khabe leh nghawng te zawh zelin, hnungzang leh pum thlengin a na thei a, luhai leh thlanfim chuak, thlan tuiin a bual te, thawk kham lo, luak chuak leh luak te a awm duh hle. |henkhat chuan anxiety an nei a, an khuh vak bawk Thin.
He heart attack chungchang hi Times of India aTanga lakchhawn a ni e.
Heart attack awm tur in\ham lawk dan: A symptom thla khat hmalamah pawh a lang thei
Get real time updates directly on you device, subscribe now.
Prev Post