Kumin, 2023-a a vawikhatna atan March 15 khan Mizoramah ruah leh rial a thawk a, hmun thenkhatah thli a thawk tel bawk. Chhiat liantham tak a thlen erawh hriat a ni lo thung.
Thudawn danin, khawchhia hi chawhnu dar 1.00 hnulamah inmung nasa zualin, ruah thimpui a thawk a, hmun hrang hrangah khaw hmuh hleihtheih loh khawpin a thim a ni.
Mamit district bikah chawhnu dar 2.00 vel khan thawkin thlipui, ruah leh rial thawh lai hian Mamitah chenna in pathum chung rangva chu thli in a la a. Mamit veng hrang hrangah electric hrui (LT line) a chat nasa hle nia sawi a ni bawk. Mamit district Tuidam khuaah thli tlehin chenna in chung 6 a la a, Tuirum khuaah chenna in 2 chung thliin a la a, in 1 chu luahzui tlak lohin a chhia. Phuldungsei khuaah rial tlain chenna in 1 chung a deng chhe bawk.
District dangah pawh ruah leh rial hi a thawk a, thil a tihchhiat dan erawh he chanchin buatsaih lai hian hriatchian ala ni lo. Aizawl District Disaster Management Authority lam pawhin district huamchhunga a thil tihchhiah hi report mumal an la dawng lo a ni.
Ruah leh rial thawk
Get real time updates directly on you device, subscribe now.
Next Post