Ruah thawk na rih lo La thawk na thei reng

Ruah thawk na rih lo
La thawk na thei reng
Indian Meteorological Centre-in Mizoram telin hmarchhak state hoah thli leh ruah thawk na thei a ni tih a sawi avanga inralrin dar vuak hnu ah Ningani kha chuan hlauhthawn ang niloin Mizoramah a thawk na lutuk loa, chhiatna liantham a neih pawh hriat a ni lo.
Hetihlai hian khawchin zirtute chuan, ruah leh thli hi thawk na thei reng a ni tih an sawi a. A bikin, vawiin – May 30 ah chuan Mamit, Kolasib, Saitual leh Khawzawl district ah ruah tam tak sur theia an hmuh thu sawi a ni.
Ruah leh thli thawk na thei a nih avang hian Mizoram sawrkar chuan May 29 – Ningani khan state pumah school chawlh a puang a. He chanchin buatsaih thleng hi chuan chawlh puan chhunzawm tur leh tur loh sawi a awm lo.
Khaw chhiat kaihhnawihah hian district tinah District Disaster Management Authority chuan mipui invenna tur leh inhmakhua dan tur an chhuah a ni.