Ruahsur tur laka fimkhur turin Karnataka chah

Ruahsur tur laka fimkhur turin Karnataka chah
India Meteorological Department (IMD) chuan Karnataka chu ruahsur tam thei dinhmunah a awm mek nia sawiin, fimkhur turin a chah.
IMD in ruahtui dawng tam tur chhinchhiahnaa a awmtir avang hian chhiatna thleng palh thei lakah Karnataka sorkar chuan thuchhuah siam nghalin, an hnathawkte leh private firm te chu inven lawk nan vawiin atang hian a theih chin chinah in lam atanga office hna thawk tam turin hriattirna a chhuah nghal bawk.
Sorkar chuan mitinte chu chhiatna thleng palh thei laka an fihlim nan leh an pumpelh theih nan thuchhuah siam a nih thu hrilhin, thlipui leh tuilian bakah khawlaia tuihawk tling vanga lirthei chetvelna a buai loh nan ti an nih thu an sawi.
Karnataka Innovation & Technology Society (KITS) chuan Electronics department, Information Technology, Biotechnology leh Science & Technology te chu chhiatna thleng palh thei leh mipuite inralring leh inven dan an thiam theih nana inring reng turin a hriattir nghal bawk.