Ruahsur vanga chhiat tawkte pui

Ruahsur vanga chhiat tawkte pui
Central YMA chuan tunhnaia ruahsur nasa avanga Mizoram hmun hrang hranga chhiattawkte tanpuina a sem chhuak. Branch, Group leh Sub-Hqrs hrang hrang atanga report lutkhawm atangin tanpuina hi sem a ni.
Mitthi 5 hnenah Rs. 35000 theuh, a vaiin Rs. 1,75,000; leiminin a hnawl in chhe vek 28 Rs. 20000 zelin, a vaiin Rs. 5,60,000; in thiah leh tlu mai thei dinhmuna ding 51 hnenah Rs. 10000 theuh, a vaiin Rs. 5,10,000; Saichal YMA Library min leh Bungtlang West YMA Run chhia tan Rs. 31000 ve ve, belhkhawmin Rs. 62000 a ni a. Sum semchhuah zawng zawng hi a vaiin Rs. 13,07,000 a ni.
Heng tanpuina hi Branch, Group leh Sub-Hqrs kaltlangin pek chhuah an ni a. Central YMA chuan tanpuina atana thawhlawm thawhtute chungah lawmthu a sawi a ni.