Ruang 28 lakchhuah a ni tawh La hmuh loh zat chiang rih lo

Leiminin an chenna in a hnawl avanga nunna chan, an ruang lakchhuah chu Ningani thleng khan mi 28 an ni tawh a. La hmuh loh hi Melthumah pali leh Aibawkah pahnih nia hriat a ni a, an ni bak hi hriat chian theih a ni tawh rih lo. Cyclone Remal avanga May 27 atanga ruah surin leimin leh Sabereka Khuangkaih a siam avanga chenna in a hnawl zingah nunna chan zat hi a tirah 30-38 inkar ni thei hiala ngaih a ni a. Hetihlai hian May 30 thleng khan ruang 28 lakchhuah niin, Ningani bikah hian hnamdang ruang pakhat tih loh chu lakchhuah an awm lo. Thawhlehni ah 25, Nilaini ah pahnih lakchhuah an ni bawk.
Ruang la hmuh loh hi Aibawk ami, Matthew Lalchhanhima (34) s/o Lalbiakzauva leh a nupui Vanlalruali (34) te an ni a, an ni hi Thawhlehni chawhnu lama leiminin an in a hnawl avanga an chin hriat zui tak loh an ni a, an chhungte dang chu an insaseng hman a ni.
Central YMA bultumin Ningani hian ruang zawn hna hi thawh a ni a, sawrkar mi leh sa bakah Aizawl khawpui huamchhunga YMA branch thlan bik an thawkchhuak. Tlai dar 6.30 velah ruang zawn hna hi chawlhsan a ni a, Zirtawpni hian chhunzawm leh tur niin, YMA branch thlan bikte an thawkchhuak ang.
Nilaini ah Lunglei atangin BSF uisathiamten ruang zawng tura chhiatna hmun an thlen hnu ah Ningani khan Mizoram Police Canine Squad (uisathiam ho) pawh an thawkchhuak ve leh nia thu dawn a ni.
He chhiatnaa nunna chan leh nungdama chhanchhuah te chu an hming hriatchian kim a ni tawh a.
NUNNA CHAN:
1. Kelsih – Lalnunziri (32) d/o Vanhnuaithanga
2. Lungsei – Lalrimawii (63) w/o Lalthangfala (Maubawk)
3. Falkawn
Lalthanzama (68) s/o Kaphlira
Hmangaihzuali d/o Kaphlira
4. Salem
Laltanpuia (41) h/o Lalhriatpuii
Lalhriatpuii (38) w/o Laltanpuia
Lalvohbiki (19) d/o Laltanpuia
5. Hlimen:
H. Lalrinmawia (54) s/o Chalchhunga (L)
Lalramthangi (52) w/o H Lalrinmawia
Pradeep Rai (50) s/o Retro Deri (L) Boka, Lailapur Assam
Gautam Kumar (32) s/o Dev Narayan Kumar, Jharkhand
Nepal Dehari (41) s/o Bada Mangala Dehari, Jharkhand
Santosh Manjhi (38) s/o Vishu Manjhi Jharkhand
* Hnamdangte hi an vaiin Dumkha district Jharkhand vek
6. Melthum
Lalduhthlanga (66) s/o Mangchhinga
Baby Zoremsiami (37) d/o Lalduhthlanga
Gloria MS Dawngliani (14) d/o Baby Zoremsiami
Dorothy Lalruatkimi (20) d/o Lalduhtlanga
Abel Lalmalsawma (5) s/o Lalchammawia
Freddie Thangtluanga (50) s/o PaHlira (L), Dinthar P/A Melthum
Lalremtluanga (34) s/o Lalhlira (L)
Lalduhawmi (34) w/o Lalremtluanga
Lalhlimpuii (6) d/o Lalremtluanga
R Lalmuanzova (56) s/o R Lalzama
C Lalnunsiami (46) w/o R. Lalmuanzova
Beetu Masijit s/o Ram Prasad, Lakra Jharkhand
Sanjay Rai s/o Baleswar Rai, Jharkhand
Dilip Manji s/o Sajar Manji, Jharkhand
Guvaneshwar Choudary, Jharkhand
CHHANCHHUAH:
1. Clair Zoremmawii (6) d/o Lalchawimawia Melthum
2. Kaphlira Falkawn
3. Lalpiangliani d/o Kaphlira
4. Sumit Ray (20) s/o Sikendar Ray Jharkhand
RUANG LA HMUH LOH
1. Deborah Lallawmawmi (11) d/o R Lalmuanzova Melthum
2. Lalthakima (42) s/o Lalhlira (L) Melthum
3. Lalvenhima (2) s/o Lalremtluanga Melthum
4. Ramdinsanga (thla 6) s/o Lalremtluanga Melthum
5. Matthew Lalchhanhima (34) s/o Lalbiakzauva Aibawk
6. Vanlalruali (34) w/o Matthew Lalchhanhima Aibawk