Rubik’s cube remdik rang record siam

Chinese mipa naupang kum 9 mi chuan second 4.69 chhungin 3x3x3 cube a remdik hman a, hetiang cube remdik rang thei ber, Guinness World Record a siam.
He mipa naupang speedcuber hi a hming chu Yiheng Wang a ni a, March ni 12 khan Yong Jun KL Speedcubing 2023 event, Kuala Lumpur, Malaysia-ah neihah telin second 4.35, 3.9, 4.41, 5.31 leh 6.16-ah te a remdik hman a ni. World Cube Association rules angin cube an remdik ran ber leh muan ber tum tel loin, a avarage lak tur a ni a, Yiheng avarage time chu second 4.69 a ni ta a ni.
Guinness World Records chuan he mipa naupang hian 3x3xe cube remdik rang thei ber record a siam tih an puang a, a hmaa hetiang record chu second 4.86 niin, Max Park, USA leh Tymon Kolasinski, Poland ten record hi an intawm a, hei hi Yiheng hian a rawn khum ta a ni.