Ruihhlo do rawn a ngai – END minister

Ruihhlo do rawn a ngai – END minister
Ruihhlo a hluar em avangin a dotu lam, a ‘player’ pawh kan tam a ngai tih Excise & Narcotics minister Er Lalrinawma chuan a sawi a, ruihhlo do kawnga tan lak puiah mipui a sawm.
The Aizawl Post-in a biaknaah Er Lalrinawma chuan, ruihhlo tirem turin mipui kan tan tlan tak tak a ngai tawh a, a dona kawnga kan zavaia kan tel ve dan tur ngaihtuah a ngai tih sawiin, Mizoram sawrkarin Ruihhlo Do Core Committee chuan nasa zawka ruihhlo do kawnga hma a lak theih nan sawrkarin mamawha hman tur cheng vaibelchhe 3 a pe a, March 22 hian beihpui thlak khuhhawnna pawh neih a ni dawn tih a sawi a ni.
Ruihhlo do chu supply reduction chauh ni lo, demand reduction lamah pawh hma lak a tul tih sawiin, ruihhlo laka himna naupangte hrilhhriat tam a ngai a, hemi atan hian Mizorama zirlaite zinga ruihhlo leh a kaihhnawihin hmun a khuar tawh dan zirchianna, a bua siam tawh behchhanin Social Welfare department lam nen kalkawpin hma lak theih a ni dawn tih Social Welfare minister ni bawk Er Lalrinawma hian a sawi a ni.