Ruihhlo hlauhawm heroin manchhuah zat pung zel

Ruihhlo a hluar a, ruihhlo han tih hian rilruah heroin a lang tlangpui mai thei. Heroin hi a hluar reng a, a hluarzia hi khawlaiah pawh a lang thei tia sawi theih a ni.
Mizoram Excise & Narcotics (MEN) department-in kuminah August ni 31 thleng khan heroin hi kg 33.855 an man tawh a, thla riat chhunga an man hi tam tham tak a ni.
2021-ah khan heroin hi kg 18.906 an man a, a hun lai khan tam tih a hlawh hle. A tam reng bawk a, 2019-a kg 12.596 an man khan, kum khat chhunga kg 10 an man tlin vawi khatna a ni. 2021 hnuah hian an man zat hi a pung ta thur thur mek.
Kumin hian March ni 31 thleng khan kg 18.570 an man tling a, 2021-a an man zat khan kumin thla thum chhunga an manin a pha thuak! April-ah chuan an man zat hi kg 26.537 a tling tawh.
2022-ah kum tluana an man zat chu kg 33.418 a ni a, 2021-a an man zat a khum hneh hle. 2023-ah kg 79.359 an man leh a, a kum telin a zuang a ni ber.
Heroin hi a hluar a, man tur a tam. MEN department bakah police-in tam tak tak an man reng bawk.
Heroin a hluar a, man tur a tam tih a nih rual hian MEN department lam chuan a hluar tih leh man tur a tam tih hi a dik rualin heroin an manah hian engemaw zat chu Mizoram pawna mi tur a ni a, chuvangin tun hnaiah Mizoramah heroin ti an pung hluai tihna chu a ni lo an ti.
Mizoram hi ruihhlo kalkawng a ni a, a tawlhtute tawlh kawng a nih avangin man tur hi a pung a ni tin an sawi a, heroin tam tham mi pakhat kut a\anga an man hi Mizoram pawna mi tur a lo ni deuh zel tih an sawi.

Tun hnaia
heroin man zat

Kum Heroin (Kg)
2014-ah 3.126
2015-ah 4.088
2016-ah 4.039
2017-ah 6.186
2018-ah 8.567
2019-ah 12.596
2020-ah 11.710480
2021-ah 18.906
2022-ah 33.418
2023-ah 79.359