Ruihhlo laka him duhten sawrkar kutke nih inhuam

Ruihhlo laka Mizoram a him duhtu pawl, Foundation For Drug-Free Mizoram chuan ruihhlo dona kawnga sawrkar tana tangkaina an neih apiangah che chhuak turin an inpeih tih an sawi.
Foundation For Drug-Free Mizoram hian Mizoram sawrkarin ruihhlo do kawnga thapui thawh a tum chu an thlawp a, sawrkar tana tangkaina an neihna apianga che chhuak turin an pawl chu an inpeih tih an sawi. Heng bakah hian an pawlin kumin chhungin Aizawla school leh kohhran an tlawh tur an tifel tawh tih sawiin, ruihhlo luhka – Champhai district leh Kolasib district-ah ruihhlo do beihpui rusum thlak an rel bawk.
Kum 19 kalta chhunga Mizorama ruihhlo vanga thihna tam ber tum, kum kaltaa a thleng chu vanduaithlak an tih thu sawiin, thapui thawh takmeuh tul an tih thu an sawi a ni.
Kum kalta lama ruihhlo laka him tura inzirtira school leh kohhran 66 an tlawh tawh te a tahtawla chhutzuina (feedback) neih nise an ti a. Ruihhlo laka tleirawlte ven hna thawh chu media-ah uar zawka kalpui tha an tih thu an sawi. An pawl rawngbawlna kaltlang hian tleirawl 12500 chu ruihhlo laka fihlim turin an intiam tawh a ni.