Ruihhlo laka indopui puan a hun – CM

Ruihhlo leh ZUK leh hmuam lakah Mizoten indopui kan puan a hun tawh takzet tih chief minister Zoramthanga chuan a sawi.

MHIP Ramhlun Venglai Branch chuan an kum 25 tlin, Silver Jubilee chu Niaini khan an lawm a. He hun hmanpuitu chief minister Zoramthanga chuan hmasawnna atan taksa hrisel a pawimawh a. Mimal, chhungkua leh khawtlang hmasawnna atan hriselna a pawimawh avangin ruihhlo mai bakah zuk leh hmuam laka fihilim chu chonaah la in, indopui puan a hun tawh tih a sawi a. Hemi kaungah hian MHIP member-te chu midang kaihruaitu ni turin a chah.

Mihring chu a mal ringawta kan awm chuan kan chak tawk lo thin a, inzawmkhawmna chu chakna a ni tiin, MHIP-in khawtlang nun hmasawnna atana pawl anga hma an lo lak tawhna te lawmawm a tih thu a sawi.

Chief minister hian MHIP In, Ramhlun Venglaiah Silver Jubilee lungphun a hawng a. MHIP Ramhlun Venglai Branch-in kum 25 a tling chu a lawmpui tih a sawi a ni.