Ruihhlo laka kumtlinglote
venna tur ruahmanna siam
Sawrkar laipuia National Commission for Protection of Child Rights (NCPCR) ngen angin Lunglei district-a kumtlinglo ruihhlo leh ruihtheih dang hmansual laka venna tur ngaihtuahin Ningani khan bawrhsap Ramdinliani hoin a kaihhnawih sawrkar department, MHIP, NSS leh NGO dang aiawhte an thukhawm.
Bawrhsap chuan khawtlang leh mipui nghawng – naupang kumtlinglo zingah ruihhlo a hluar a, college pawh la rap lo naupang zingah a hluar bik tih a sawi. Mizoram chauh nilo India ram pum huapin an buaipui tih a sawi a. NCPCR chuan Lunglei district-a sawrkar department hrang hrang, khawtlang leh NGO te nen thawkhoin kum tlinglote ruihhlo laka an fihlim theihna’n action plan tha tak siama kalpui tura tih a nih thu a sawi a ni.
School tinah class VI atanga class XII ah ruihhlo dona tura club din nise, sawrkar phalna neia grape wine zuarten dan an zawm leh zawm loh enfiah nise, school tinah CCTV vuah nise, school hnaihah vaihlo zial zawrhna dawrte enfiah nise, NSS-in awareness programme a tam thei ang ber nei se, Lungleiah naupang kumthlinglo ruihhlo addict-te enkawlna hmun din tura hma lak nise, an ti.
Ruihhlo laka kumtlinglote venna tur ruahmanna siam
Get real time updates directly on you device, subscribe now.
Prev Post
Next Post