Zirtawpni khan ram chhung hmun dang rualin Mizoramah National Deworming Day hman a ni a. Aizawlah chuan Women & Child Development minister Er Lalrinawma hoin PC Girl’s School-ah hman a ni.
-- Advertisement --
Minister chuan National Deworming Day hi naupang zawng zawng puala ruahman a nih avangin rulhut umbo a nih theihna’n an tu leh fate zawng zawng rulhut hlo eitir theuh turin mipui a chah a. Naupang an hrisel theihna turin rulhut laka an fihlim a pawimawh a, ei hrisel ringawt a tawk loa, an thiltha ei te awmze neia hna a thawh theihna’n naupangte rulhut lakah ven a ngai tih a sawi a ni.
Khawvel pumah naupang maktaduai 836 chu rulhut pai thei dinhmunah an ding a, India ramah chuan naupang maktaduai 241 hi rulhut pai thei dinhmunah an ding niin mithiamte chuan an chhut. Naupangte rulhut laka an fihlim theihna’n kum 2015 atang khan India ramah National Deworming Day hmang tanin, beihpui thlak a a ni a; kumtinin he hun hi ram pumah hman thin a ni. Mizoramah chuan kum 2016-a hman tan a ni a, state puma naupang kum 1-19 inkarte hmaih awm loin rulhut damdawi – albendazole mum ei tir tum a ni.
National Deworming Day hi Mizoram district zawng zawngah a ruala hman a ni a. School kal leh kal lo, sawrkar leh private school-a kalte a huam vek a. He damdawi – albendazole hi school-ah leh Anganwadi Centre-ah a thlawnin ni ruat bikah ei theih a ni.
NDD hi a kaihhnawih department – Health & Family Welfare, School Education, Women & Child Development, Rural Development leh PHE tanghoa buatsaih a