Russia ram khawpui pakhat Kazan-a
BRICS Games 2024 kal mekah Kawrtethawveng tlangval, tuna Bungkawn, Aizawla cheng mek Hmangaihsangpuia chu India tan Karate infiamna huang -67 Kg category-ah inlanin, hliamin a tibuai a, Kazakhstan player lakah hian point khatin a chak zo ta lo a ni.
An category hi Pool A leh B-ah then niin, Sangpuiate category-ah hian mi 24 an awm a, first round-ah Sangpuia hian a ke dinglam a tina a, a ke hi a vun nasat em avangin duh angin a che tha thei lo a, Kazakhstan player lakah a tlawm ta a ni.
Mizo tlangval hian BRICS Games 2024-a India aiawh tur hian selection hautak zet paltlangin, Hangzhou, China-a Asian Games 2023-ah khan Indian National team tana a qualify a, BRICS Games a khel thei a ni.
India hian Karate discipline bikah mi pariat tirin, Indian contingent hi mi 123 an ni a; khawvel ram hrang hrang 97 telin, ni 24 hian an khar ang.
Khawvel infiamna lar leh lian tak BRICS Games 2024-ah Mizo tlangval ngei an tel thei hi All Mizoram Karate Association (AMKA) chuan chhuanawm an tih thu thuchhuah siamin an tarlang a; Sangpuia chu a la naupangin hma hun eng tak a neih bakah Olympic thlenga India ai a awh theih thuai an beisei thu an tarlang.
Nimin, Thawhtanni khan Sangpuia hian Aizawl lutin, AMKA senior vice president C. Dosavunga hoin Lengpui Airport-ah an lo hmuak a ni.
An pawl thuchhuah chuan international-a khel pha, India contingent-a tel AMKA player Hmangaihsangpuia chu an chhuang hle tih an sawi a; an pawl president R. Zomawia chuan tuntumah vanduai rih mah se hei hi Mizoram Karate hmasawnna ropui tak, hmalam hun tieng thei tura hmahruaitu a nih ngei a beisei thu leh theihtawp chhuaha hmasawn zelna kawng an zawh zui tur thu a tarlang tel.
Russia ramah Kawrtethawveng tlangval
Get real time updates directly on you device, subscribe now.
Prev Post