Sa emaw tiin inkaphlum

Rama sa chang pakhat chuan ramchhuak ve tho chu sa emaw tiin a kap palh a, a hmunah a thi nghal.
Thudawn danin, July 31 – Thawhtanni chawhma lam khan C Lalremruata (36) s/o C Lalsangzuala, Tualcheng Champhai district chu chawhmeh zawngin a ramchhuak a, chhun dar 12.15 vel khan sa changa lo ramchhuak, an khaw mi tho Romana chuan sa emaw tiin a kap palh a, a hmunah hian a thi nghal a ni. Romana te hi thian hoa sa changa ramchhuak nia thu dawn a ni.
A kap palhtu Romana leh nunna chan ta Lalremruata te hi inchhung hnai tak nia sawi an ni.
YMA Tualcheng Branch chuan an khaw mite zawm tur thuchhuah an siam nghal a. YMA-in he an chhiat tawh chungchang a tih darh bak chu tu hnenah mah, thu thehdarh leh thei turte lo hrilh bengvar lo turin an inngen a ni.