Sabrina Carpenter ‘Espresso’ leh ‘Please Please Please’-in multi-platinum kai

Sabrina Carpenter ‘Espresso’ leh ‘Please Please Please’-in multi-platinum kai
Sabrina Carpenter studio album parukna ‘Short n’ Sweet’ chuan Recording Industry Association of America (RIAA) 2x platinum certification a dawng tawh a, tunah chuan he album-a hla ‘Espresso’ leh ‘Please Please Please’ te pawhin mel lung thar an kai ve leh ta.
‘Espresso’ hian RIAA 5x Platinum a kai a, US-ah maktaduai nga an hralh tling tawh tihna a ni a, ‘Please Please Please’ pawhin 3x Platinum US-ah maktaduai thum hralh tlin entirna) a kai a, he album-a hla dang ‘Taste’ pawhin 2x Platinum a kai ve tawh bawk.
RIAA chuan Instagram-ah Sabrina lawmpuina post-in, “@sabrinacarpenter a RIAA Gold & Platinum certification thar avangin kan lawmpui e,” an ti.
Sabrina Carpenter hi lemchan leh rimawi khawvelah lo tal ve viau tawh mah se rimawi khawvelin a hming a chher tak tak chu ‘Espresso’ hla hi niin, Billboard Hot 100 chart-ah No.2 a kai a, Billboard Global 200-ah chuan No.1 a kai a, he hla hi Apple Music-in 2024-a an streaming platform-a hla stream nasat ber a nih thu an puan bakah Spotify-ah pawh kum khat chhunga hla stream nasat ber a ni bawk.
‘Please Please Please’ hi ‘Espresso’ dawta a singles niin, he hla Billboard Hot 100 chart-ah No.1 kaiin, Sabrina hla he chart-a No.1 kai thei hmasa ber a ni.