SAFF C’ship semi khel tur India

Vawiin hian SAFF Championship final khel tur tihfel a ni dawn a, zanin dar 7:30 hian tour-nament thlengtu India chuan Bengaluru khaw-puiah Lebanon hma-chhawnin, tlai dar 3:30-ah Kuwait leh Bangla-desh-in semi-final hmasa zawk an khel ang.
Mizo player pahnih Lallianzuala Chhangte leh Lalengmawia Ralte telna India team-ah hian captain Sunil Chhetri chu India innghahna pawi-mawh niin, match thum an khelh tawhah Delhi tlangval hian goal nga a tilut tling tawh a, Pakistan lakah hat-trick siam nghe nghein, tournament kal laiah top scorer a ni mek.
Defending champion India hian group match pakhata Kuwait an draw avangin Group A-ah Arab team hi pha loin pahnihna an ni a; last-four stage-ah Group B lama hmahruaitu Leba-non an tum phah dawn.
India leh Lebanon hi kum 1977 khan a vawi-khatna’n intawngin, kha mi hnu khan tum sarih an inhmachhawn tawh a, a vaia vawiriat an in-khelh tawhah vawithum in-hnehtawkin, Lebanon vawithum an chak a, India vawihnih an chak ve thung.
Tunthla tir lam Odisha khuaa Intercontinental Cup league match-ah khan goal awm loin team pahnih an inhnehtawk a, final-ah insu zui lehin, mualneitu India sihnih faiin an chak.
SAFF Championship kal laiah hian group stage-ah Bhutan, Maldives leh Bangladesh hneh vek chungin Lebanon-in semi-final an lut a; India thung hian Group A lamah Pakistan leh Nepal hnehin, Kuwait nen 1-1-in an inhnehtawk thung.
Zanin hian Kuwait an draw tuma tourna-ment kal laia a tumhnih-na’na red card hmu head coach Igor Stimac chuan touchline atangin India team a enkawl thei lo leh dawn a ni.