Salvation Army-in Nute Ni hmang

Salvation Army-in Nute Ni hmang
Salvation Army chuan Pathianni khan khawvel pumah Nute Ni (Mothers’ Day) an hmang a. Mahni nu, ropuina rama kaisang tawhte hriatrengna leh a la damlaite chawimawina hun atana buatsaih a ni.
He Ni denchhen hian Mizorama Chhandamna Sipai Pawl biak in tinah “Thianghlimna Inkhawm” neih a ni a. Pathian thuchah ngaihthlak a nih bakah lawmthu sawina leh kum liamta chhunga nu, ropuina rama kaitate sunna hun hman niin, nute hnenah pangpar hlan a ni.
Kum 1920 khan Salvation Army rorelna sang – International Management Council chuan an kohhran tan ‘Nute Ni’ hi High Day-ah a puang a; India ramah pawh kum 1920 atang hian ‘Nute Ni’ hi hman tan a ni. 1914 May 8 khan United States president Woodrow Wilson chuan Nute Ni hi rampuma hman a nih tur thu leh sawrkar building-ah an ram flag tar turin thupek a chhuah a. Kumtin May thla Pathianni vawi hnihna chu khawvel ram dang pawhin Nute Ni atan an hmang zui ve ta a ni.