Sam lem hlai ber record siam

Hmana sam lem sei ber a siam tawh a, tunah sam lem hlai (widest) ber a siam leh ta. Helen Williams, Nigeria a cheng hi sam lem siama eizawng a ni a, a eizawnna hi Guinness World Record siam nan tum thum a hmang ta. Tun tuma a sam lem siam hi meter 3.65 (feet 11 leh inches 11) a hlai niin, record a siam leh ta a ni.
Helen hian he sam lem hi kumin February atang khan a siam tan tawh a, Negeria pawisa Naira 41,38,200 (Rs 2,32,000 vel) a sam lem siam nan hian a seng.
Helen hian sam lem sei ber a siam tawh bakah sam lema second 30 chhunga hair clip chep hnem ber record siamin, second 30 chhungin 90 a chep hman a, tihian Guinness World Record pathum a siam ta a ni.
Helen, kum 31, hian a sam lem hi kut hmanga a siam deuh vek niin, a then laiah puanthui khawl a hmang tel bawk a, hriau leh khawlla hmangin a thui khawm a ni.
A hmaa hetiang record siamtu chu Hollywood star Drew Barrymore a ni a, Helen cuan, “Drew Barrymore fan ka ni a, amah hi he record siam turin min inspire-tu a ni,” a ti.