Samra-in Gold Medal a la
Hangzhou-a Asian Games neih mek chu Nilaini khan a ni lina neih chhunzawm a ni a, India chuan a inelna neih mekah a vawi khat nan Gold Medal a hlawhchhuak ve ta nge nge a. 50m 3P rifle-ah Sift Kaur Samra chuan world record thar siam chungin Gold Medal a hla.
50m rifle 3 inkahsiaknaah hian Sift Kaur Samra chuan point 469.6 a thawkchhuak a. Hei hi hmeichhe lama 50m rifle 3 inkahsiaknaa point thawkchhuak tam ber record thar a ni. India hian inelna neih mekah Gold Medal panga la tawhin parukna an ni mek. Silver 6 leh Bronze 10 a la tawh bawk. India in Gold Medal a lak hmasak palite hi team anga lak vek a ni a. Sift Kaur Samra hi mimala Gold Medal hlawhchhuak hmasa ber a ni. Asian Games 2022-ah India tana Gold Medal hlawhchhuak hmasa ber Sift Kaur Samra hi infiammite khawmpui lian ber Paris Olympics hmachhawn turin a tling chiang tawh bawk.
50m 3P rifle inkahsiakah hian India nula te an chetha viau a, Samra in Gold a lak bakah hian Ashi Chouskey chuan Brone Medal a la ve bawk a. Pahnihna chu inelna thlengtu China nula Zhang Qiongyue a ni. 50m 3P-ah hian India team chuan silver medal a la tawh bawk.
Asian Games Hangzhou 2022 Medals Tally (Top 10)
Country GOLD SILVER BRONZE TOTAL
China 65 35 14 114
South Korea 15 18 24 57
Japan 9 21 21 51
Hong Kong 5 7 12 24
Uzbekistan 5 6 11 22
India 5 6 10 21
Thailand 5 2 8 15
Indonesia 3 2 6 11
Singapore 2 3 4 9
Chinese Taipei 2 3 3 8