San Diego neitu zingah Mata
Chelsea leh Manchester United midfielder hlui Juan Mata chuan la inkhel reng chungin club neitu nihna lam a hawi a, Major League Soccer teamde San Diego FC neitute zinga pakhat a ni ve ta.
Spain tana game 41 khel tling Mata hi tunah kum 36 mi niin, kumim September thla khan A-League club Western Sydney Wanderers a zawm a; neitu nihna a neih ve takna club San Diego FC hian kum thar atangin team 30 awm thei tura huang an zauh tak MLS an khel ve tan dawn a ni.
Mata hian San Diego FC thawhpuitu a ni thei chu phurawm a tih thu sawi chungin league thang zela an tel ve thei tur lawmawm a tih thu a tarlang tel.
San Diego lam pawhin thuchhuah siam ve nghalin, Mata chu international soccer player la chawl lo zinga Major League Soccer club-a neitu nihna chanvo nei hmasaber niin an sawi.
San Diego chairman Sir Mohamed Mansour chuan Mata fakin, a rah chin apiang hneh thin niin a sawi a, an club-a neitu nihna a chang ve ta chuan hun rei tak daih zel tur hnehtu team din chhoh an tumna kawngah a puih ngei a rin tlat thu a tarlang tel.
Spaniard Mata hian Chelsea leh Manchester United thuam a inbel lai khan Premier League-a kum 11 a khawsak chhungin trophy lian paruk a la tling hman a, a trophy khawlbawmah Champions League title a tel bawk.
Spain chu 2010 World Cup leh Euro 2012 title lakpui mah se kum 2016 atang khan ram tan a inlan leh ta lo.
San Diego neitu zingah Mata
Get real time updates directly on you device, subscribe now.
Next Post