Thiante chhan tumtu Tuia tla ruang hmu

June 29 zing dar 8.30 vel khan Siaha district-a Kawlchaw West balu kaiah mi pathum tuiah an chesual a, pahnih chhan hman niin, pakhat dang an chhan hman loa, July 1 zing khan a ruang hmuh a ni.
Thudawn danin kar kalta Ningani zing khan Kawlchaw ‘W’ a balu lakna thinah hian rawlthar pathum, Lawngtlai College Veng mi vek chu chu balu la zo tuiah an cheng a, Andrew Lalramluahpuia (15) leh C Lalduatsanga (14) te chu tla in an thianpa Vanhmunropuia (14) chuan chhan a tumna lamah a chesual ve leh a ni. A hmaa tla pahnih hi an bulhnaia lo awm Jonathan Lallianzauva, Kawlchaw West chuan a chhan hman a, Vanhmunropuia hi a chhan hman ta lo a ni.
Lawngtlai College Veng khawtlang hruaitute ruahmanna in YLA member-te leh Kawlchaw ‘W’ a tuithiamte bakah hemi tlangdunga YLA member-ten riahchilhin ruang hi an zawng a, Inrinni zing dar 10.00 vel khan an tlakna atanga hla vak loah a ruang hi a rawn lang nia sawi a ni.