Sangha thar chhuah pun chhoh beisei

Sangha thar chhuah pun chhoh beisei
Khawzawl District huam chhungah tun sawrkar kum kal mekah hian sawrkar kum liam ta 2024-2025 aiin Sangha thar chhuah engemawzatin a pun chhoh beisei a ni.
District Fisheries Development Office, Khawzawl atanga thu dawn danin, sawrkar kum liam ta 2024-2025 khan Khawzawl district chhungah hian Sangha dil nei chhungkaw 1160 awmin Sangha dil zawng zawng zau zawng hi Hectare 119.2 vel a ni a, heta tang hian Sangha Metric Tonne 66.92 an thar chhuak a ni.
Khawzawl District-ah hian kum 2023 March ni 24-a District Fisheries Development Officer (DFDO) Office hawn a nih hnuah Sangha dil awmsa te a theih anga tihchangtlun a nih bakah Sangha dil te pawh laih belh zel a ni a. Sangha dil thar pawh tun dinhmunah 300 vel siam belh ni tawhin tunah hian hmalakna kal mek engemawzat ala awm bawk a. Hetianga hmalakna kalpui chhoh zel a nih avang hian tun sawrkar kum kal mekah hian Sangha dil thar chhuah pawh engemawzatin a pun chhoh an beisei a ni.