Sangliana hmachawn tur Lalremtluanga

Mizoram Wrestling Association (MWA) chuan January 23, Zirtawp tlai khan Executive Committee meeting an nei a. Mizo Inchai title fight hun atan October ni 28-30, 2026 an ruat. Mizo Inchai title fight-ah hian palian champion Lalsangliana chu Lalremtluanga nen an in hmachhawn dawn.
Mizo palian champion Lalsangliana hian kum 11 chhung zet chu hneh theitu a tawng tawh lova, October 30, 2026 zanah a kawnghren kawl mek humhim turin fiahna hautak a hmachhawn a ngai dawn a. Palian leh chak Remtluanga nen an inkhuainuai dawn.
Lalsangliana hmachhawn tur Lalremtluanga (Bawihpuia) hi Lunglei Zobawk (Aizawlah ITI a cheng) tlangval a ni a, kum 25 a upa niin kg 120 a rit a ni mek a, Sangliana a hmachhawn hunah chuan Kg 130 tling thei tura ngaih niin, Ft 6.1 Inch zeta sang a ni. A palian satliah lova a chakin Wrestling ah pawh tawnhriat tha tak a nei. Mizo inbuan (inban phawiah) Mizoram champion a lo ni tawh a. Mizoram aiawha kalin Medal a lo hawn tawh bawk.