Sapthei chi zirchian sak turin hlan

MIFCO chuan sapthei chi a siam enfiah sak turin Thawhlehni khan Thenzawla College of Horticulture hnenah a hlan.
Mizoram Food & Allied Industries Corporation (MIFCO) chairman Lalthazuala Rawite leh College of Horticulture thawktute chuan sapthei leh lakhuihthei, a chi atanga a puitlin hnu leh a rah seng hun thlenga kuthnathawktuten harsatna an tawh thin dan, enkawl dan tha zawk leh hlawk zawka an tharchhuah theih dan tur an sawihoa, kuthnathawktute nen an chinna hmun ngeia training neih tha an tih thu an sawi.
MIFCO-in sapthei chingtute tana a chi an siam engemawzat chu enfiah turin College of Horticulture-ah hian hlan a ni a. He College-ah hian professor 1, asst. professor 9 awmin chu’ng zinga 5 chu Mizo an ni a, staff dang 12 an awm bawk.
Horticulture College Thenzawl hi CAU (Central Agriculture University) Imphal hnuaiah awmin B.Sc (Horticulture) leh M.Sc Vegetables Science zir theihna a awm a; India ram state hrang hrang atangin zirlai 110 awm mekin, admission tih mek zel a ni bawk. Batch tinah Mizoram-in quota 6 zel a nei a ni.