SASCI sum lapse-ah cho

On May 11, 2024 11 0

Mizoram sawrkar hnuaia SASCI sum tih lapse chungchanga a mawhphurtu zawk nia inpuhna awm mekah ZPM Legislature Party chuan mipui hmaa sawifiah turin MNF Legislature Party an cho.
May 10 khan ZPM Legislature Party secretary TBC Lalvenchhunga chuan MNF Legislature Party hnenah ziaka thlenin, tunhnaia SASCI sum chungchanga ralkhat atanga ‘press conference’ hmanga thu an inchuh avangin mipui an ti hrilhhai a, mipuiin thil nih phung dik tak an hriat theih nan media (TV) hmaah ‘common platform’ hmanga sawiho tha an ti a, chummi tur chuan an sawm tih an hrilh.
Sawmna hi an pawm a nih chuan an remchan hun hriattir turin an ngen tih an thlen bawk.

Get real time updates directly on you device, subscribe now.

College zawm turin Aadhar ngai

Hlawh lak kawp ka duh ve lo – K Hrahmo, MLA