Savaten an hman turin sava bu siamchawp engemawzat chu Mualpui Salem Venga UPC-NEI hmun leh 3rd Bn MAP hmunah Association for Environment Protection (ASEP) chuan an dah.
Environment Forest & Climate Change department bultumin ASEP hian UPC (NEI) Gen. Hqrs Complex Mualpui Salem Vengah leh 3rd Bn MAP hmun Mualpuiah environment humhalh tura inzirtir pahin thing hmuna sava bu siamchawp dah hnatlang an nei a. ASEP president K Lalmuansanga chuan artificial nest box chungchang zirtirna a pe a. Khawvel hmasawnna thang zelah nungchate chenna kan nekchep tak avangin sava pawhin chenna tur an vai tan a, chumi chhawmdawl ve na atan he programme hi kalpui a ni tih a sawi.
UPC general superintendent Rev. R Lalrinsanga chuan nungcha humhalh chu Pathian thu nena kalkawp tlat leh inhmeh tak a ni, tiin, Pentecost Kohhran pawh hemi kawngah hian thahnemngaitu an nih thu leh theihtawp chhuah chu ringtute tih tur a nih thu a sawi. 3rd Bn MAP commandant Lalthafamkima pawhin Mualpuia Police hmun chu nungchate zalenna hmun nise a duh tih a sawi a, artificial nest box programme buatsaih hian rah duhawm tak a chhuah ngei a beisei tih a sawi a ni.
UPC Complex leh Mualpui MAP Battalion hmunah hian hnatlangin artificial nest box 30 vel dah a ni a, a theih ang angin sava an lawi leh lawi loh hi enzui zel tum a ni.
Sava te hman tur bu dah
Get real time updates directly on you device, subscribe now.
Next Post