Sawrkar intiamna avangin DIET thawktuten nawrh titawp

Sawrkar intiamna avangin
DIET thawktuten nawrh titawp
Hlawh leh service-a harsatna an neih avanga lungawilohna lantir DIET thawktute chu sawrkar intiamna avangin an hna an chhunzawm leh dawn.
Association of Mizoram DIET Employees (AMDE) chuan an hlawh leh service-a harsatna an neih avanga an hna an chawlhsan lailawk chu sawrkarin heng harsatna hi ni 15, May 3-17 chhunga chinfel sak a tiam avangin an hna chawlhsan lailawk chu chhunzawm leh nghal an rel. Hun tiam chhunga an thil phut pathumte chinfel sak tura sawrkar a intiam angin, sawrkar hmalakna an lo thlir reng dawn tih an sawi.
Sawrkar tihhlawhtlin tura beiseite chu – An hlawh atana state tum tur 40% state budget-a dah luh; thla ruk hlawh a vaia pek fel; School Education minister hoa heng department – Planning, DP&AR leh Finance hotute nena kan service chingfel tura sawi ho.
Hengte hi hun ruat chhunga tihhlawhtlin a nih loh chuan, hma la leh zawk tura School Education department hotuten thu an rawn angin, hma lak a tul a nih chuan tiamchin awm loa lungawiloh lantir nghal turin AMDE chuan an sawi a ni.