Sawrkar leh MLA tibuai loin BCM inkhawmpui thlen tum

Sawrkar leh MLA tibuai loin
BCM inkhawmpui thlen tum
Baptist Church of Mizoram chuan kumin March hian an kohhran rorelna sang ber – BCM Assembly an nei dawn a, a thlengtu tur BCM Bazarveng Kohhran Lunglei chuan sawrkar department, minister leh MLA tibuai lo zawnga inkhawmpui hi thlen an tum.
BCM Bazarveng Kohhran Lunglei puipate sawi danin, Mizoram Baptist Kohhran rorelna sang ber BCM Assemby hi March 5-9 chhungin an biak inah an thleng dawn a. Assembly dawlna atan hian budget-ah cheng nuai 45 an dah a, BCM Bazarveng Pastor bial atangin nuai 20, BCM Hqrs atangin nuai 15 leh Bazarveng tualchhung kohhran atangin nuai 10 chu an sum hmuhna a ni. Sawrkar department emaw minister leh MLA emaw tih buai an tum lo tih an sawi.
Assembly dawl tur hian Commmittee peng hrang hrang 10 an siam a, heng Committee peng hrang hrang hian ngawrh takin hma an la mek a, Assembly hlawkthlak leh nuam, tisa leh thlarau lamah a nih theihnan kawng hrang hrangin an inbuatsaih mek tih an sawi a ni.
BCM Bazarveng Pastor bialah hian kohhran pali awmin, member 6221 an awm a, Assembly dawltu tur Bazar Kohhran bikah hian kohhran member 1720 an awm mek.
Assembly palai tur hi mi 1400 vel beisei an ni a, Bazar biak in sak tharah hian mi 1000 leng tura ngaih a nih bakah a bathlar pandal zar belh turah mi 600 chuang leng thei tura ruahman a ni.