Sawrkar phal loh polythene
bag hman leh hman loh enfiah
District urban development officer Kolasib kaihhruaina hnuaia sawrkar thuchhuak anga hman khat daih plastic tih rem a nih theihna’na hma la tur Enforcement Squad chuan Thawhlehni khan Kolasib khaw chhunga dawr hrang hrang endikin an kalchhuak.
Sawrkar khap hman khat daih plastic engemawzat man a ni a; plastic-in ram leilung a tih chhiat dan te, hmanraw tawih thei /hma chia siam ip hman uar intihhmuh leh hman nawn theih buangrua tam thei ang ber hmang tura inzirtir nghal a ni.
Enforcement Squad-ah hian DC office, SP office, Divisional Forest Office, PHED, DIPRO, Commerce & Industries, Joint Village Council leh Sub Hqrs YMA Kolasib aiawhte an tel a. Kolasib DUDO Lalmuanpuia chuan Enforcement Squad chu sawrkarin hman khat daih plastic khap kawnga a thuchhuah kengkawhtu an nih piah lamah ram leilung hausakna humhalhna’n plastic that lohna leh plastic thlakna tur thil dang hmang uar tura mipui zirtir kawngah mawhphurhna pawimawh tak an nei tih a sawi.
December 2022 khan Kolasib khaw chhungah tun ang bawk hian endik a lo ni tawh a, hemi tum pawh hian dawrkaite hnenah zirtirna pek a lo ni tawh a ni.
Sawrkar phal loh polythene bag hman leh hman loh enfiah
Get real time updates directly on you device, subscribe now.
Prev Post
Next Post