Sawrkar quarters sakna tur rel
District Level Authority for Mizoram Land Pooling & Management Scheme Lunglei chu an chairman, district bawrhsap Navneet Mann hoin Ningani khan an thukhawm a. A hlawma sawrkar hnathawkte chenna tur in – general pool accomodation (GPA) sak a nih theihnan sawrkar ruahmanna inhrilhfiah a nih bakah an district-a hmalak dan tur sawi a ni.
Chairman chuan sawrkar department hrang hrang quarters hmun hrang hranga awm darh loin, sawrkar hnathawkte hmunkhata a hlawma an awmkhawm theihnan GPA siam turin sawrkarin ruahmanna a siam tih sawiin, Lungleia GPA sakna tur hmun remchang rawtna leh department quarters mamawh report a ranglamin sawrkara thehluh a tul tih a sawi. Kumthar January atangin PWD mithiamten GPA sakna tur hmunhma enfiah leh zirchiangin district hrang hrang an tlawhkual dawn tih a sawi bawk.
Department hrang hrang aiawhten ram leh quarters an neih dan an sawi a. GPA atana hmun remchang tur rawtna sawiho a ni. Hmun remchang tur hi DC office leh Land Revenue & Settlement office lamin uluk zawkin zirchiang se, chumi mil chuan sawrkarah rawtna thehluh nise, tih a ni a. GPA-a quarters mamawh tur department-te chuan a hmalamin ziakin DC office-ah thehlut se, an ti bawk.
Sawrkar quarters sakna tur rel
Get real time updates directly on you device, subscribe now.
Next Post