Sawrkarna siam turin an insingsa mek a, an ni lo chu sawrkarna siam thei tur an awm lo tih chu mipui hmuh dan a ni tih ZPM president Lalliansawta chuan a sawi.
Thawhtannia an party chhung inkhawmah ZPM president chuan sawrkar siam turin an insingsa mek a; ZPM lo chu sawrkarna siam thei tur party dang an awm lo tih chu mipui ngaihdan leh hmuh dan a ni, tiin, an dawhthleng tizauin hmun hrang hrang atanga lo kalkhawm mekte dawl zo turin an inhawn zau a ngai tih a sawi a ni.
ZPM Political Affairs Committee member TBC Lalvenchhunga pawhin thu sawiin, kalphung hluiah chuan politics chu game-ah an ngai a, a khelha khelh an tum thin a. Kalphung thar zuartute tan chuan politics chu game a ni ve loa, ram hmasawnna’n politics chu an buaipui zawk tih a sawi.
“Kan chief minister ber pawhin sawrkar ve chhin se min ti mek tawh a, eng an ni bik loang, min ti a; eng kan nih bik zia hmuh tir kan tum a ni. ZPM chuan kan chunga roreltu tur thlan kan tum loa, kan aiawh, mipui duhdan anga roreltu tur chhawpchhuah kan tum a ni,” a ti. Bial vil tur an inruatte chu ZPM chuan a zuar loa, kalphung thar zawk an zuar tih a sawi bawk.
Sawrkar siam turin kan insingsa – ZPM president
Get real time updates directly on you device, subscribe now.
Prev Post